身份證加英文名 BNO續領回鄉證疑難雜症分享

我舊年續bno嗰陣因為身分證加咗英文名，同舊passport唔同，所以有好多問題想問。每次申請呢啲證件嘅時候上網揾資料都揾唔到確實嘅答案，所以將我嘅經驗寫出嚟，方便大家。一般嘅手續都好多人寫過，所以我淨係補充啲關於改名嘅重點。一諗到有咩野都會繼續update，希望幫到大家。

身份證 (2015年)
因為一啲原因，18歲換成人身份證嗰陣冇加英文名，係19歲先加嘅。

Q: 身分證加英文名要準備咩？
A: 其實冇咩要準備，只係去入境處預約申請就得。

Q: 身分證加英文名使唔使做改名契？
A: 我冇做改名契。如果淨係加英文名唔使做改名契。

Q: 身分證加英文名使唔使比錢？
A: 要比張新身分證嘅錢。如果係18歲換身份證嘅時候改，唔使額外比錢。

回鄉證 (2018年)
要加多100蚊改名費。要帶出世紙。出世紙都影印埋。
記得留意吓佢嘅影印本式樣，身分證同回鄉證各2份，回鄉證底面都要。唔係又要比佢屈影印費。

BNO (2018年)
Q: 有咩要準備？
A: 因為submit咗個申請之後就會限時要寄文件去英國，所以儘量集齊資料先申請啦。可能要預先準備嘅野：
(1) 證件相 (要求：https://www.gov.uk/photos-for-passports)
(2) 出世紙正本（話說佢寄返黎嗰陣對摺咗我張出世紙... 不過其實出世紙可以無限補領）
(3) 地址證明（我係用投票通知卡）
(4) 祖父母、外祖父母資料（其實我都淨係填咗姓名，其他資料都唔係好知）

Q: BNO好耐冇續，使唔使counter sign?
A: 我上一本BNO已經係十幾年前，張相完全認唔到樣。再加上本舊passport又冇新加嘅英文名，所以我有揾人counter sign。副署人係加拿大passport，已退休專業人士（好多年前都係佢幫過我countersign）。

Q: 以前本BNO冇加英文名，宜家身分證加咗英文名，續領BNO使唔使交改名契同登記事項證明書？
A: 我冇整過改名契。冇交登記事項證明書。

Q: 特區護照同身分證唔同名，寄唔寄好？
A: 我冇寄特區護照／影印本（因為特區護照同身分證唔同名嘅話，網上試過有人要彈回頭），都冇寄舊BNO／影印本。

Q: 一定要用速遞寄？
A: 我用郵局嘅空郵掛號寄（唔係速遞）。嗰陣好似50蚊樓下，都好快就收到（個幾星期）。當然你要自己注意個deadline，特別係聖誕節前郵政高峰期。

Q: 用BNO喺歐洲可以退稅？
A: 我試過英國同荷蘭都冇問題。如果佢問嘅話可以show有相嘅隔離嗰頁同佢講係HK Permanent Resident, 再唔get嘅比埋HKID佢睇。

登記事項證明書 (2018年)
$425
可以自己揀要顯示同唔顯示咩項目。預早啲申請，等5個星期先攞到。可以揀寄去屋企。

特區護照（未改）
修訂護照（包括更改個人資料或照片）84港元
(每次申請計，與被取代的護照的屆滿日期相同)